Қозоғистонда халқаро мусобақалар ғолиблари қанча мукофот олишади

ASTANA. Kazinform – Қозоғистон Республикаси Маданият ва спорт вазирлигининг «Халқаро спорт мусобақалари чемпионлари ва совриндорлари, спорт турлари бўйича Қозоғистон Республикаси терма жамоалари мураббийлари ва аъзоларини пул билан рағбатлантириш миқдорларини тасдиқлаш тўғрисида»ги буйруғи Ashyq НҲА порталида жойлаштирилди, деб хабар беради Kazinform мухбири.

Хусусан, халқаро спорт мусобақалари чемпионлари ва совриндорлари, спорт турлари бўйича Қозоғистон Республикаси терма жамоалари (спорт бўйича терма жамоалар) мураббийлари ва аъзоларини пул билан рағбатлантиришнинг илова қилинган миқдорларини тасдиқлаш таклиф қилинмоқда.

Ёзги, қишки Олимпия, Паралимпия, Сурдлимпия ўйинлари: биринчи ўрин учун 250 000 доллар, иккинчи ўрин учун 150 000 доллар, учинчи ўрин учун 75 000 доллар. 4,5, 6-ўринлар учун ҳам мукофотлар кўзда тутилган: 30 минг, 10 минг, 5 минг доллар.

Жаҳон чемпионати (катталар ўртасида): Олимпия, Паралимпия, Сурдлимпия спорт турлари бўйича: биринчи ўрин учун – 15 минг доллар, иккинчи ўрин учун – 7 минг доллар, учинчи ўрин учун – 5 минг доллар.

Ёзги, қишки Осиё ўйинлари, Осиё Паралимпия ўйинлари: биринчи ўрин учун – 10 минг доллар, иккинчи ўрин учун – 5 минг доллар, учинчи ўрин учун – 3 минг доллар.

Ёзги, қишки ва баҳорги Универсиада: биринчи ўрин учун – 15 минг доллар, иккинчи ўрин учун – 10 минг доллар, учинчи ўрин учун – 5 минг доллар.

Ёзги, қишки ёшлар, Олимпия ўйинлари: биринчи ўрин учун – 10 минг доллар, иккинчи ўрин учун – 5 минг доллар ва учинчи ўрин учун – 3 минг доллар.

Олимпия, Паралимпия спорт турлари бўйича Осиё чемпионати: биринчи ўрин учун – 2300 доллар, иккинчи ўрин учун – 1400 доллар ва учинчи ўрин учун – 900 доллар.

Олимпия, Паралимпия спорт турлари бўйича жаҳон чемпионати (ёшлар ўртасида): биринчи ўрин учун – 3500 доллар, иккинчи ўрин учун – 2300 доллар ва учинчи ўрин учун – 1100 доллар.

Олимпия спорт турлари бўйича жаҳон рекордини ўрнатиш: 5000 доллар.

Муаллиф: Арайлим Мурат