Қозоғистонда ғалла ҳосилининг 75 фоизи йиғиб олинди

ASTANА. Кazinform – ҚР Бош вазир ўринбосари Серик Жуманғарин раислигида ўрим-йиғим кампанияси бўйича ташкил этилган тезкор штабда ҳосилни узлуксиз йиғиб олиш учун фермерларни барча зарур воситалар билан таъминлаш масаласи муҳокама қилинди. Бу ҳақда Ҳукумат матбуот хизмати хабар берди.

27 сентябрь ҳолатига кўра, қулай об-ҳаво шароити туфайли Қозоғистоннинг ғалла етиштириладиган ҳудудларида деярли 13 миллион гектар майдон ёки 75 фоизи йиғиб олинди. Ўрим-йиғим кампаниясини октябрь ойи охиригача якунлаш режалаштирилган. Олдинда ёғли экинлар йиғиб олинади.

Тезкор штаб йиғилишида қуритиш агрегатлари учун арзонлаштирилган дизель ёқилғиси ва суюлтирилган газни юклаш ва жўнатиш, 4-синф арпа ва буғдойнинг нархи муҳокама қилинган асосий масалалар бўлди.

Қишлоқ хўжалиги вазири ўринбосари Азат Султанов маълум қилганидек, 27 сентябрь куни элеваторларга 3,376 миллион тонна ғалла тушди, шундан 2,476 миллион тоннаси буғдой. Буғдойнинг умумий ҳажмида 1,4 млн тоннаси - 3-синф буғдой (56,2%), 701,4 минг тонна – 4-синф (28,3%), 263,1 минг тонна – 5-синф (10,6%) . Хирмондаги арпанинг деярли 95 фоизи 2-навли арпа.

4-5 тоифали буғдой ҳосилини кўпайтириш истиқболларини ҳисобга олган фермерлар ушбу ғалланинг форвард нархини имкон қадар тезроқ эълон қилишни сўрамоқда. Серик Жуманғарин озиқ-овқат корпорациясига келгуси ҳафта форвард харид нархини эълон қилишни топширди.

Асосий ғалла етиштирувчи ҳудудларга ғалла қуритиш агрегатларини ишга тушириш учун суюлтирилган газни арзон нархда етказиб бериш бошланди. Маҳсулотни йиғиш ва қуритиш учун зарур бўлган дизель ёқилғисини юклаш ва жўнатиш режа асосида амалга оширилмоқда.

Тупроққа кузда қўлланилиши керак бўлган минерал ўғитларни жўнатиш жараёни алоҳида кўриб чиқилди. Умумий режанинг 84 фоизида юк ташиш паст тезликда давом этаётган ҳудудлар мавжуд. Бош вазир ўринбосари фермерларнинг ўғитларни ўз вақтида қўллаши учун иш жараёнини тезлаштиришни буюрди.