Қозоғистонда фермерлар учун дизель ёқилғиси нархи арзонлаштирилди
«ҚазМунайГаз ҚР Бош вазири топшириғини бажариш ва Қозоғистон қишлоқ хўжалиги ишлаб чиқарувчиларини қўллаб-қувватлаш давлат сиёсатини амалга ошириш доирасида кузги дала ишлари арафасида фермерлар учун дизель ёқилғиси нархини 238 тенгегача пасайтирди.
Ҳудудлардаги операторлар Энергетика вазирлиги томонидан тавсия этилган литри учун 12 тенге маржасини ҳисобга олган ҳолда, «чегирмали» дизель ёқилғисининг максимал нархи литри учун 250 тенгедан ошмаслиги керак. Бу бозор нархидан 45 тенгега арзон (литри 295 тенге), — дейилади хабарда.
Ўрим-йиғим кампанияси давомида ҚР Энергетика вазирлиги билан келишилган ҳолда 2023 йил учун Қозоғистон Республикасининг нефтни қайта ишлаш заводлари учун ҳудудларни тасдиқлаш жадвалига мувофиқ умумий ҳажми 426 минг тонна арзонлаштирилган дизель ёқилғиси тақдим этилади. Шу билан бирга, июль ойида қишлоқ хўжалиги ишлаб чиқарувчиларининг эҳтиёжларини қондириш учун 90 минг тонна дизель ёқилғиси етказиб берилди: шу тариқа фермерларнинг дизель ёқилғисига бўлган талаби тўлиқ қондирилди.
