Қозоғистонда ёш олимларнинг лойиҳалари учун 75 миллион тенгегача грантлар ажратилмоқда

ASTANA. Кazinform - Ёш олимларнинг лойиҳаларини молиялаштириш миқдори кўпаймоқда. Бу ҳақда Қозоғистон Республикаси Фан ва олий таълим вазирлиги Фан қўмитаси раиси Дархан Ахмед-Заки МХКда бўлиб ўтган брифингда маълум қилди, дея хабар беради Kazinform мухбири.

«Ёш олимларни давлат томонидан қўллаб-қувватлашнинг энг оммабоп воситаларидан бири 2019 йилдан буён ўтказиб келинаётган уларни грант маблағлари билан таъминлаш бўйича алоҳида танловлар бўлди. Бугунги кунда 2000 дан ортиқ ёш олим ва тадқиқотчилар 451 лойиҳада ўз илмий ғояларини ҳаётга татбиқ этмоқда. Ушбу лойиҳалар ёш тадқиқотчилар учун янги кўникма ва малакаларни эгаллаш, етакчилик ва гуруҳларда ишлаш тажрибасини эгаллаш, нашр этиш фаоллигини оширишга қаратилган. Бу лойиҳалар учун бюджет харажатларининг умумий миқдори 26,2 миллиард тенгени ташкил этади», — деди Дархан Ахмед-Заки.

Маърузачининг айтишича, 2022 йилда ёш олимлар танловида битта лойиҳани молиялаштириш ҳажми, жумладан, асбоб-ускуналар харид қилиш учун 75 миллион тенгега етказилган. Ижтимоий, гуманитар фанлар ва санъат йўналишида битта лойиҳани амалга ошириш учун 54 миллион тенгегача маблағ ажратилмоқда.

Дархан Ахмет-Заки танловнинг мақсади ёш олимларнинг илмий ташаббусларини рағбатлантириш эканлигини тушунтирди. 2023-2025 йилларга мўлжалланган молиялаштиришнинг умумий миқдори 9 млрд тенгени ташкил этмоқда.

Лойиҳа менежерига қўйиладиган талаблар: ёши 40 ёшдан ошмаслиги; фалсафа доктори (PhD) ёки соҳа бўйича доктор илмий даражаси, фан доктори ёки фан номзоди илмий даражаси; 2018-2022 йиллар учун тегишли нашрларнинг мавжудлиги.

Танловга оид аризалар 11 ноябргача, шу жумладан, «ДИТЭММ» АЖ веб-сайтида қабул қилинади.

Муаллиф: Мейрамбек Байғарин