Қозоғистонда доллар ва рублнинг бугунги курси қандай

Астана ва Алмати шаҳарларидаги валюта айирбошлаш шохобчаларида доллар 447-451 тенгедан сотилмоқда, деб хабар беради Каzinform мухбири.

Kurs.kz хабарига кўра, Алматида валюта айирбошлаш шохобчаларида 1 долларнинг сотиш курси – 448 тенге, сотиб олиш нархи – 451 тенге. Астанада сотиш курси – 447 тенге, сотиб олиш курси – 451 тенге.

Миллий банкнинг 12 февралдаги расмий курсига кўра, 1 доллар – 447,10 тенге. Россия рублининг ўртача қиймати - 4,92 тенге.

Эслатиб ўтамиз, 9 февраль куни кечки савдо якунларига кўра, долларнинг ўртача курси 3,21 тенгега пасайиб, 447,08 тенгени ташкил қилди.

 

Муаллиф: Алма Муқанова