Қозоғистонда дин соҳасида давлат сиёсатини ривожлантиришнинг 5 йиллик концепцияси ишлаб чиқилмоқда
2024-2028 йилларда дин соҳасида давлат сиёсатини ривожлантириш концепцияси ишлаб чиқилмоқда. Бу ҳақда ҚР Бош вазир Алихан Смаиловнинг Мажилис депутатлари саволига берган жавобида айтиб ўтилди, деб хабар беради Kazinform.
“2023-2025 йилларга мўлжалланган экстремизм ва терроризмга қарши курашиш давлат тизимини ривожлантириш комплекс режаси (кейинги ўринларда – Комплекс режа) амалга оширилмоқда. Идоралараро мувофиқлаштиришни такомиллаштириш, экстремизмга қарши курашиш бўйича қўшимча чора-тадбирлар комплексини ишлаб чиқиш, шахс, жамият ва давлатни зўравон экстремистик кўринишлар ва терроризм таҳдидларидан ишончли ҳимоя қилишни таъминлаш бўйича чора-тадбирлар амалга оширилмоқда. Туризм ва спорт вазирлиги томонидан Ички ишлар вазирлиги, Миллий хавфсизлик қўмитаси, Бош прокуратура ва бошқа тегишли давлат органлари билан ҳамкорликда спорт соҳасида бузғунчи диний мафкура тарқалишининг олдини олишга қаратилган “Йўл харитаси” лойиҳаси ишлаб чиқилди”, — деди Ҳукумат раҳбари ўз жавобида.
Бош вазирнинг сўзларига кўра, замонавий муаммоларни ҳисобга олган ҳолда, Қозоғистон Мусулмонлари диний бошқармаси раҳбарияти, шунингдек, таниқли диншунос олимлар ва бир гуруҳ ҳудудий экспертлар билан Ҳукумат даражасида тизимли чора-тадбирларни ишлаб чиқиш ва муҳокама қилиш мақсадида учрашувлар ўтказилди. Унда бугунги кундаги диний вазият, муаммоли масалалар ва уларни ҳал этиш йўллари муҳокама қилинди.
“Учрашувлар якунлари ва таклиф этилган таклифларга кўра, Қозоғистон Республикасининг 2024-2028 йилларга мўлжалланган дин соҳасидаги давлат сиёсатини ривожлантириш концепцияси ишлаб чиқилмоқда”, – деди Алихан Смаилов.
