Қозоғистонда дарсликларнинг оғирлигига оид гигиеник талаблар тасдиқланди

NUR-SULTAN. Кazinform - Қозоғистон Соғлиқни сақлаш вазирининг 2021 йил 2 декабрдаги буйруғи билан ўқув нашрларининг гигиеник стандартлари тасдиқланди, деб хабар беради Kazinform мухбири.

Ҳужжат ўқувчи олиб юриши мумкин бўлган битта дарсликнинг оғирлигини белгилайди. Унга кўра:

1-4-синфлар учун дарсликлар 300 грамм оғирликда;

5-6-синфлар учун 400 грамм;

7-9-синфлар учун 500 грамм;

10-11 (12) синфлар учун 600 граммдан ошмаслиги керак.

Буйруқда айтилишича, дарслик вазнини фақат 10 фоизга оширишга рухсат берилади.

Дарсликнинг оғирлигидан ташқари, китоб чоп этиладиган қоғозга қўйиладиган талаблар, чоп этиш сифати, фойдаланиладиган ҳарфлар (шрифт – таҳр.) аниқ кўрсатилган.

Ҳужжатнинг тўлиқ матни билан бу ерда танишиш мумкин.

Буйруқ 2021 йил 24 декабрдан кучга киради.

Муаллиф: Есимжан Нақтибай