Қозоғистонда дам олиш кунлари ёмғир ёғиб, 2 даражагача совуқ бўлади

ASTANA. Kazinform - Дам олиш кунлари Қозоғистонда кучли шамол эсади, айрим вилоятларда 2 даражагача совуқ бўлади.

“Қазгидромет” синоптикларининг маълумотларига кўра, келаётган дам олиш кунлари Қозоғистоннинг кўп қисми циклон таъсирида бўлади, шу сабабли Қозоғистонда ёмғир ёғади, ғарбда ва жанубда момақалдироқ бўлади.

22 сентябрдан бошлаб мамлакат ғарбига Скандинавия ҳудудларидан антициклон тарқала бошлайди, бу эса ёғингарчиликнинг тўхташига ёрдам беради.

Мамлакат бўйлаб кучли шамол эсиши, кечаси ва эрталаб туман тушиши кутилмоқда.

Мамлакатнинг ғарбида, шимоли-ғарбида ва марказида тупроқ юзасида 2 даражагача совуқ бўлади. Кундузи ҳаво ҳарорати республика ғарбида 20+25° дан 15+20° гача, шимолда 17+22° дан 8+18° гача тушиши кутилмоқда, қолган ҳудудларда эса кескин ўзгаришлар кутилмайди.