Қозоғистонда чакана савдо ҳажми 20,8 фоизга ошди

ASTANA. Kazinform – Жорий йилнинг январ ойида Қозоғистонда чакана савдо ҳажми 1 059,1 млрд тенгега етди. Бу ўтган йилнинг шу даврига нисбатан 20,8 фоизга кўпдир. Савдо билан шуғулланадиган корхоналарнинг чакана савдода сотилган товарлар ҳажми эса 32,6 фоизга ошди. Бу ҳақда Kazinform мухбири ҚР Миллий статистика бюросига таяниб хабар беради.

Бюро маълумотларига кўра, чакана савдода озиқ-овқат маҳсулотларининг умумий улуши 27,6 фоизни, бошқа турдаги товарлар бўйича эса 72,4 фоизни ташкил этади.

Қуйидаги турдаги товарларни сотишнинг энг катта ўсиши қайд этилди:

- фармацевтика товарлари;

- мотор ёқилғиси;

- автомобил, автомобил қисмлари;

- нон, булка, ун ва қандолат маҳсулотлари;

- тўқимачилик ва пайпоқ маҳсулотлари, кийим-кечак;

- компьютерлар;

- косметика ва шахсий гигиена воситалари.

Муаллиф: Алихан Асқар