Қозоғистонда босқичма-босқич тўрт кунлик иш ҳафтасига ўтилади

ASTANA. Kazinform - Қозоғистон Республикаси Меҳнат ва аҳолини ижтимоий муҳофаза қилиш вазирлиги меҳнат ва аҳолини ижтимоий муҳофаза қилиш қўмитаси раиси Тўлеген Оспанқулов тўрт кунлик иш ҳафтасига ўтиш бўйича ўз фикрини билдирди, деб хабар бермоқда Kazinform мухбири.

Унга кўра, 2015 йилдан ўша пайтдаги Президент топшириғига асосан меҳнат муносабатларини оптималлаштириш ишлари олиб борилмоқда.

«Ҳозирда мамлакатимиз Меҳнат кодексига кўра, 40 соатлик беш кунлик ёки олти кунлик иш ҳафтаси мажбурий ҳисобланади. Аммо иш берувчи ўз ходимлари билан келишилган ҳолда бу ставкани камайтириши мумкин. Тўрт кунлик иш ҳафтасига келсак, вазирлигимиз томонидан бу масала кўриб чиқилмоқда. Бу босқичма-босқич амалга оширилади. Мисол учун, агар ойда тўрт ҳафта бўлса, биринчи ҳафтада тўрт кун, иккинчи ҳафтада беш кун, учинчи ҳафтада олти кун ва тўртинчи ҳафтада яна тўрт кун иш куни бўлиши мумкин. Яъни, «Ҳисоб-китоб даври» тушунчаси мавжуд бўлиб, соатларнинг умумий сони ушбу ҳисобот давридан ошмаслиги керак. Қолган дақиқаларни эса иш берувчи ва ходим ўзаро ҳал қилиши мумкин»

, — деди Тўлеген Оспанқулов.

Муаллиф: Айжан Серикжанқизи

Фото:science-et-vie.com