Қозоғистонда «Болашақ» дастури билан ўқиш ниятида бўлган тиббиёт мутахассисларига чегирма берилади

ASTANA. Kazinform – «Болашақ» дастури бўйича ўқиш ниятида бўлган тиббиёт мутахассисларига чегирма берилади. Бу ҳақда Марказий коммуникациялар хизматида бўлиб ўтган брифингда «Халқаро дастурлар маркази» АЖ бошқаруви раиси Ануар Жанғозин маълум қилди, дея хабар беради Kazinform мухбири.

«Болашақ» стипендияси доирасида тиббиёт ходимларига қўйиладиган талабларни такомиллаштириш кўриб чиқилмоқда. Статистик маълумотларга кўра, кадрлар тайёрлашдаги асосий муаммо чет тилини билиш даражасининг пастлигидир. Имкониятларни кенгайтириш ва тиббиёт ходимларига қизиқишни ошириш учун махсус чегирма тоифасини жорий этишни кўриб чиқмоқдамиз. Улар бир йиллик тил курсидан ўтадилар, стипендия тайинланган кейин хорижий олий ўқув юртларига кириш имконияти берилади»

, - деди Анвар Жанғозин.

Унинг таъкидлашича, келгусида дастур орқали хорижда ўқиш ниятида бўлган қишлоқлардан келган номзодларга чегирма берилади.

«Улар учун IELTS имтиҳонининг балли 6,0 баллдан 5,0 баллга туширилади. Шунингдек, уларга бир йиллик тил бўйича тайёргарликдан ўтиш имконияти ҳам берилади»

, - деди «Халқаро дастурлар маркази» АЖ бошқаруви раиси.

Эслатиб ўтамиз, «Болашақ» дастури бўйича ҳужжатларни қабул қилиш 14 октябрда якунланади. Ануар Жанғозиннинг сўзларига кўра, ҳозиргача келиб тушган аризаларнинг аксариятида номзодлар техник мутахассисликларни танлаган. Шунингдек, кўрсатилган дастур бўйича хорижий олий таълим муассасаларида таҳсил олган битирувчиларнинг ишга жойлашиш муддати ҳам қисқартирилиши мумкин.

Муаллиф: Алихан Асқар