Қозоғистонда бир йил ичида 100 мингга яқин болага мўлжалланган 109 та мактаб очилди
16 декабрь арафасида мамлакатда 7344 ўринли 13 та янги мактаб фойдаланишга топширилади. Шундай қилиб, йил бошидан буён фойдаланишга топшириладиган 95 344 ўринли янги мактаблар сони 109 тани ташкил этди, деб хабар беради Каzinform.
Умуман, жорий йил охиригача турли молиявий манбалар ҳисобидан 132 минг ўринли 154 та мактабни, жумладан, таълим инфратузилмасини қўллаб-қувватлаш жамғармаси маблағлари ҳисобидан 76 минг 738 ўринли 62 мактабни фойдаланишга топшириш режалаштирилган.
Шунингдек, “Қулай мактаб” миллий лойиҳаси ҳам амалга оширилмоқда.
Жорий йилда 217 та мактаб қурилиши бошланди, улар 2024 йил охиригача фойдаланишга топширилади.
Миллий лойиҳа, биринчи навбатда, шаҳарлар ва истиқболли аҳоли пунктларида янги намунавий мактаблар қуриш, ўқувчилар ва ўқитувчилар учун қулай ва хавфсиз шароит яратиш, таълим хизматлари сифатини оширишга қаратилган.
Умуман олганда, Давлат раҳбари топшириғига асосан мамлакатда 740 минг ўқувчига мўлжалланган 369 та қулай мактаб қуриш режалаштирилган.
