Қозоғистонда бир кишига сотиладиган SIM-карталар сонини чеклаш мумкинми

ASTANA. Kazinform - Бугун Парламент Мажилисида кибержиноятчиликка қарши курашиш масалаларига бағишланган муҳокамада мамлакатда бир кишига сотиладиган SIM-карталар сонини чеклаш таклиф этилди.

“Биз Павлодар вилояти ички ишлар департаменти вакиллари билан учрашдик. Улар SIM-карталар (мобил телефон рақамлари) беришини чеклаш кераклигини таклиф қилди. Бизнинг жамиятимизда уни ҳар қандай дўконда сотиб олиш мумкин. Бир кишига чексиз миқдордаги SIM-карталарни сотиш мумкин. Баъзи мамлакатлар тажрибасига кўра, фақат телекоммуникация оператори филиалидан сотиб олишга рухсат берилади. Якка тартибдаги дўконлар буни сотмайди. Бунга чек қўйиш керак. Бир кишига 2-3 тадан ортиқ SIM карта берилмаса. Бу катта ёрдам бўлади, дейишяпти полициячилар. Бу масалани қонуний кўриб чиқиш мумкинми?”, - деб сўради Парламент депутати Жарқинбек Амантайули.

Ўз навбатида, Рақамли ривожланиш, инновациялар ва аэрокосмик саноат вазирлиги Ахборот хавфсизлиги қўмитаси раиси Руслан Абдиқалиқов SIM-карталар сонини чеклашнинг ҳожати йўқлигини айтиб, унинг ўрнига абонентни идентификация қилиш механизмини жорий этишни таклиф қилди.

“Чунки чегара бўлганда, бешта SIM-картадан иборат квотани бошқа бировга сотадиганлар бўлиши мумкин. Шунинг учун, давлат томонидан кераксиз чекловларга йўл қўймаслик учун одамларга идентификация қилишни ва шундан кейингина SIM-картани фаоллаштиришни тавсия қиламиз. Ҳозирда бу таклиф кўриб чиқилмоқда”, — деди Р. Абдиқалиқов.

Муаллиф: Руслан Ғаббасов