Қозоғистонда баҳорги экиш учун яна 36 минг тонна дизель ёқилғиси ажратилди
ASTANA. Kazinform – ҚР Энергетика вазири Алмасадам Сатқалиев Ҳукумат йиғилишида баҳорги экиш ишлари учун ажратилган дизель ёқилғиси нархи ўтган йилги даражада сақланиб қолиши ҳақида маълум қилди.
“22 январда Энергетика ва Қишлоқ хўжалиги вазирлиги томонидан 2024 йил 1 февралдан 30 июнга қадар баҳорги экиш ишлари учун 340,3 минг тонна дизель ёқилғиси етказиб бериш жадвали тасдиқланди.
5 апрель куни икки вазирлик яна 36 минг тонна дизель ёқилғиси етказиб бериш бўйича қўшимча жадвални тасдиқлади.
Ўтган йилга нисбатан нарх ўзгармади. Барча 20 та вилоятда бир литр дизель ёқилғиси ҚҚС билан 250 тенгедан сотилмоқда. Бу ёқилғи қуйиш шохобчаларидаги чакана нархдан 45 тенгега ёки 15 фоизга арзон”, - деди вазир.
Унинг таъкидлашича, кузги йиғинлар ишини дизель ёқилғиси билан таъминлаш жадвали июнь ойида тасдиқланади.
