Қозоғистонда бўлиш муддатини бузган хорижликларга қанча миқдорда жарима солинади

ASTANА. Кazinform – Қозоғистонга ишлаш ёки ўқиш учун 30 кундан ортиқ муддатга келган хорижликларга вақтинчалик яшаш учун рухсатнома берилади. Бу ҳақда Астана шаҳар Полиция департаменти Миграция хизмати бошқармаси бошлиғи Ербол Махметов маълум қилди, дея хабар беради Kazinform.

«Мамлакатимизга келган чет эл фуқаролари ва уларни қабул қилган томонлардан Қозоғистонда бўлиш қонунчилиги бузилишига йўл қўймасликларини сўраймиз», - деди Ербол Махметов ПДда ўтказилган матбуот анжуманида.

Унга кўра, хорижликлар мамлакатда бўлиш қоидаларини бузган тақдирда, Маъмурий-Жиноят кодексининг 517-моддасига асосан маъмурий жавобгарликка тортилади. Яъни, Қозоғистонда бўлиш муддатини бузиш.

Жарима миқдори бўлиш муддатининг бузилишига қараб белгиланади. Масалан, 3 кунгача - огоҳлантириш, 5 кунгача - 10 БҲМ, 10 кунгача - 15 БҲМ миқдорида.

Агар чет эл фуқароси мамлакатда бўлиш муддатини 10 кундан ортиқ бузса, у ҳолда маъмурий баённома судга юборилади. Суд қарори билан айбланувчига 25 БҲМ миқдорида жарима солинади ёки мамлакатдан чиқариб юборилади.

«Мамлакатга 30 кундан ортиқ муддатга (иш, ўқиш, даволаниш, ишбилармон иммигрантлар, шунингдек, оила ва доимий яшаш жойига бориш мақсадида) келган хорижлик фуқароларга вақтинчалик рухсатнома берилади. Йил бошидан буён 27 731 та рухсатнома берилди», - дея хулоса қилди у.