Қозоғистонда ҳар бир оилага тўланадиган нафақа миқдори 20 мингдан 805 минг тенгегача

ASTANA. Kazinform – ҚР Меҳнат ва аҳолини ижтимоий ҳимоя қилиш вазирлиги 2022 йилга мўлжалланган ишларини сарҳисоб қилди, дея хабар беради Kazinform.

«Ўтган 2022 йил мамлакатимиз учун осон бўлмади, аммо шунга қарамай, давлатнинг барча ижтимоий мажбуриятлари бажарилди. 4,3 миллиондан ортиқ қозоғистонликларга 4,4 триллион тенгедан ортиқ пенсия, нафақа ва бошқа ижтимоий тўловлар ўз вақтида тўланди. Ўтган йили 1,3 миллиондан ортиқ оила давлат томонидан кафолатланган тўловлар шаклида қўллаб-қувватланди. Айниқса, алоҳида эҳтиёжли болалар ва кўп болали оилаларни тарбиялаётган оилаларга алоҳида эътибор қаратилди. Жорий йилда болали оилаларни қўллаб-қувватлаш учун республика бюджети ва Давлат ижтимоий суғурта жамғармаси ҳисобидан 926,6 миллиард тенгедан ортиқ маблағ ажратилди. Ажратилган маблағлар оналик ва болаликни парваришлаш тўловлари, кўп болали оналар, кўп болали ва ногирон болаларни тарбиялаётган оилаларга нафақалар сифатида берилди. Ҳар бир оила учун тўлов 20 мингдан 805 минг тенгегача»

, - деди вазир Тамара Дуйсенова йил якуни бўйича ўз мурожаатида.

Унинг сўзларига кўра, оғир ҳаётий вазиятга дуч келган 700 мингдан ортиқ қозоғистонлик оилалар давлатдан 70 миллиард тенгедан ортиқ аниқ ижтимоий ёрдам кўринишида кўмак олди.