Қозоғистонда Airbus самолётларига хизмат кўрсатиш маркази очилади

None
None
NUR-SULTAN. Кazinform – 2022 йилда мамлакат мудофаа саноатида бир қатор истиқболли лойиҳалар амалга оширилади, деб хабар беради Кazinform.

Маҳаллий мудофаа саноатининг асосий вазифаларидан бири технологик инфратузилмани ва корхоналарнинг кадр ресурсларини ривожлантиришдир.

Бу мамлакат Қуролли Кучлари, бошқа қўшин ва ҳарбий қисмларни замонавий қурол-яроғ ва ҳарбий техника билан таъминлаш вазифасини бажариш имконини беради.

Жорий йилда мамлакат мудофаа саноати корхоналари бир қатор истиқболли лойиҳаларни амалга оширишни режалаштирган.

Хусусан, «405-сонли авиатаъмирлаш заводи» АЖ базасида Ми-171Ш вертолётларини йиғиш, «Қозоғистон авиация индустрияси» МЧЖ қошида Аirbus самолётларига хизмат кўрсатиш бўйича сервис марказини очиш; «Петропавл оғир машинасозлик заводи» АЖ негизида давлат чегарасини қўриқлашнинг техник воситаларини ишлаб чиқариш; «Тыныс» АЖ, «Алма МY» МЧЖ, «Милитарм» МЧЖ корхоналарида радиация ва кимёвий ҳимоя воситалари ишлаб чиқариш режалаштирилган.

Бундан ташқари, «Семей инжиниринг» АЖ негизида зирҳли транспорт воситаларини модернизация қилиш; «Steelmanufacturing» МЧЖ томонидан автоматик ўқ-дорилар ишлаб чиқариш, «Қазақстантан Парамаунт Инжиниринг» МЧЖда «Барс» 8х8 русумли зирҳли ғилдиракли автомашиналар ишлаб чиқариш, «Тыныс» АЖ негизида АК-12 ва АК-15 автоматларини ишлаб чиқаришни йўлга қўйиш режалаштирилган.

Умуман олганда, мамлакат мудофаа-саноат мажмуаси шаклланиш жараёнини бошидан кечирди ва бугунги кунда нафақат ҳарбийлар, балки фуқаролик секторини ҳам турли маҳсулотлар билан таъминламоқда.

Сўнгги хабарлар