Қозоғистонда адолатли энергия тизимига ўтиш дастури ишга туширилиши мумкин

Президент
Фото: очиқ манбалардан олинган

БМТ Бош Ассамблеясининг 78-сессиясида нутқ сўзлаган Қ. Тоқаев Марказий Осиёдаги экологик муаммоларни кўтарди, деб хабар беради Кazinform мухбири.

“Иқлим ўзгаришига қарши шошилинч чоралар кўриш зарурати умидсиз ҳаракатга айланиши мумкин. Аммо бу хавфли жараён. Бунинг сабаби шундаки, атроф-муҳит муҳофазасига устувор аҳамият бериш учун зудлик билан, самарали ва ўзгартирувчи қадамлар зарур. Айни пайтда хавф биринчи навбатда Марказий Осиёга қаратилган. 2030 йилга бориб глобал ҳароратнинг 1,5 даражага кўтарилишини чеклашга муваффақ бўлсак ҳам, Марказий Осиёда ҳаво ҳароратининг 2-2,5 даражагача кўтарилишига дуч келамиз”, — деди Давлат раҳбари.

Президент таъкидлаганидек, иқлим бўйича Париж келишуви билан бир қаторда дунё давлатлари углеродсиз келажакка интилишдан ҳам чекинмаслиги керак.

“Иқлим масаласи савдо ва сармоявий ҳамкорликни чекловчи чоралар учун ишлатилмаслиги керак. Бунинг ўрнига, биз БМТ томонидан аниқланган иқлим ўзгаришига қарши кураш бўйича ижобий ҳаракатлар каби самарали ўзгаришларга эътибор қаратишимиз керак. Улар орасида яшил иқтисодиётга асосланган иш жойларига сармоя киритиш, қазиб олинадиган ёқилғи субсидияларини тугатиш ва иқлим ҳаракатининг барча даражаларида тенглик, инклюзивлик ва аёллар иштирокини таъминлаш киради. Бироқ, етарли маблағсиз иқлим ўзгаришига қарши курашнинг комплекс режаси амалга оширилмайди. Шу муносабат билан биз Қозоғистонда “Адолатли энергияга ўтиш бўйича ҳамкорлик” дастурини ишга туширишни тавсия қиламиз”, — дея ташаббус билан чиқди Қасим-Жомарт Тоқаев.

Президент 2026 йилда Қозоғистонда БМТ доирасида минтақавий иқлим саммитини ўтказиш режалаштирилаётганини ҳам таъкидлади.

Эслатиб ўтамиз, БМТ Бош Ассамблеясининг 78-сессиясида нутқ сўзлаган Президент Қасим-Жомарт Тоқаев Қуръоннинг ёқиб юборилиши юзасидан баёнот берди.

Сўнгги хабарлар