Қозоғистонда 9 сентябрь куни кутилаётган об-ҳаво маълумоти
ASTANA. Kazinform - Атмосфера жабҳалари таъсирида мамлакат шимоли ва жануби-шарқининг тоғли ҳудудларида ёмғир ёғиб, момақалдироқ бўлиши мумкин. Республиканинг қолган ҳудудларида антициклон таъсирида ҳаво ёғингарчиликсиз бўлади. Қозоғистон Республикасининг жануби ва жануби-шарқи, шимол, шарқ ва марказида шамол кучайиши, кечаси ва эрталаб туман тушиши кутилмоқда. Бу ҳақда Kazinform агентлиги “Қазгидромет” РДКга таяниб хабар беради.
Улитау вилоятида, Жетису вилоятининг ғарбида, Ғарбий Қозоғистон вилоятининг шимоли ва шимоли-шарқида, Қизилўрда вилоятининг шимоли-шарқида, Ақтўбе вилоятининг жануби, ғарби, марказида, Алмати вилоятининг шимолида, Қарағанди вилоятининг ғарби ва шарқида, Қостанай вилоятининг жанубида юқори ёнғин хавфи мавжуд.
Қизилўрда, Туркистон, Жамбил, Атирау, Манғистау, Ғарбий Қозоғистон вилоятларида, Улитау вилоятининг жанубида, Абай вилоятининг ғарби, шимоли-ғарби, жанубида, Жетису вилояти шимолида кучли ёнғин хавфи сақланиб қолади.
