Қозоғистонда 9 ойда кўмир ташиш ҳажми 77,8 миллион тоннага етди
ASTANA. Kazinform — Қозоғистонда 2026 йилнинг дастлабки 9 ойида темир йўл транспорти орқали кўмир ташиш ҳажми 77,8 миллион тоннани ташкил этди.
Бу ўтган йилнинг шу даврига нисбатан 1,5 фоизга кўп (2025 йилнинг 9 ойида — 76,6 миллион тонна). Шундан 25 миллион тоннаси экспортга жўнатилган, 51 миллион тоннадан ортиғи эса мамлакат ичида ташилган.
Янги иситиш мавсумига тайёргарлик бошланганидан буён, жорий йил 1 майдан 30 сентябргача республика бўйлаб 28,1 миллион тонна кўмир ташилди. Бу ҳажм ўтган йилнинг тегишли давридаги кўрсаткич билан бир хил. Шундан 25,8 миллион тонна кўмир иссиқлик электр марказларига (ИЭМ), 2,3 миллион тоннаси эса коммунал-маиший эҳтиёжлар учун жўнатилди. Барча ИЭМларда ёқилғи захираси белгиланган меъёрдан юқори ёки меъёрий даражада.
Жорий иситиш мавсумида коммунал-маиший эҳтиёжлар учун кўмирга бўлган режали талаб 7,3 миллион тоннани ташкил этади. Бу ўтган мавсумга нисбатан 154 минг тоннага кам. Талабнинг пасайиши мамлакатда газлаштириш даражасининг ошиши билан боғлиқ.
Ташиш ишларини таъминлаш учун умумий парки 27 мингта ярим тиркама вагонлардан иборат бўлган «Қазтеміртранс» АЖнинг 18,5 мингта вагони сафарбар этилди. Юк ташиш ҳажми юқори бўлган даврларда 3 мингтагача вагон захираси шакллантирилади. Ҳаракатланувчи таркиб парки кўмир ташиш эҳтиёжини тўлиқ таъминлайди.
