Қозоғистонда 3D-принтерда тиббий ниқоб учун мослама яратилди

SEMEI. Kazinform – Семейда 3D-принтерда тиббий ниқоблар учун махсус мослама - тутқич чоп этилди, деб хабар беради Kazinform мухбири Семей Электротехника коллежининг ИТ-марказига таяниб.

Лойиҳа муаллифларининг айтишича, мослама тиббий ниқобни кийиш пайтидаги ноқулайликни камайтиради. У оддий пластикдан 3D-принтерда босиб чиқарилди. 1 тутқич тахминан 20-25 дақиқа давомида босиб чиқарилади.

«Барчамиз тиббий ниқоб тақиб юрибмиз. Эрта тонгдан кечгача тақиб юргандан кейин унинг боғичи қулоқни оғритиб юборади. Ушбу тутқич эса барча босимни қулоқдан бошнинг орқа томонига ўтказади», - дея тушунтирди мутахассислар.

Эътиборлиси шундаки, мосламани ишлаб чиқаришда қўлланилган 3D-моделлаштириш колледжда информатика дарсларида ўтилади.

Эслатиб ўтамиз, бундан олдин Семей Электротехника коллежида фильтри алмаштириладиган кўп марталик тиббиқ ниқоб 3D-принтерда чоп этилганди.

Муаллиф: Орал Ерланўғли