Қозоғистонда 3 миллионга яқин ўқувчи ёзги таътилни оромгоҳларда ўтказади

ASTANА. Кazinform - Жорий йилда 2 миллион 939 минг 28 нафар ўқувчи ёзги таътилга жалб этилди, дея хабар беради ҚР Таълим-маориф вазирлиги матбуот хизмати.

Мамлакатдаги 10 минг 743 дам олиш масканида 2,9 миллион ўқувчи ёзги таътилни ўтказмоқда. Уларнинг 10 минг нафари йил давомидаги дам олиш масканларида, 240 минг нафари мавсумий дам олиш масканларида, 2 миллион 600 минг нафари мактаб яқинида, 75 минг нафари чодир ва ўтовларда дам олмоқда.

“1-10-синф ўқувчиларининг 92 фоизи, яъни 2,9 миллион нафар, жумладан, 600 мингга яқин ижтимоий ҳимояга муҳтож болалар ёзги таътил, дам олиш ва меҳнат фаолияти билан қамраб олиниши режалаштирилган. Дам олиш масканларида болалар хавфсизлиги алоҳида назоратга олинган. 1-10 июнь кунлари 187 та дам олиш масканидан 150 таси ишга туширилади. Қолган 37 та дам олиш маскани эса 15 июндан ўз фаолиятини бошлайди”, — дейилади вазирлик хабарида.