Қозоғистонда 2025 йили ЕОИИ ташқи чегарасидаги 9 та назорат-ўтказиш пункти модернизация қилинди
ASTANА. Кazinform - Қозоғистонда 2025 йили ЕОИИ ташқи чегарасидаги 9 та автомобиль назорат-ўтказиш пунктини модернизация қилиш якунланди. Жорий йилнинг октябрь ойида Қозоғистон-Ўзбекистон чегарасидаги «Жібек жолы» назорат-ўтказиш пунктини модернизация қилиш якунланади, деб хабар беради Ҳукумат матбуот хизмати.
Давлат раҳбари Қасим-Жомарт Тоқаевнинг Қозоғистон халқига "Қозоғистон сунъий интеллект даврида: долзарб муаммолар ва уларни тубдан рақамли трансформациялар орқали ҳал қилиш" номли Мурожаатномасида белгиланган вазифаларни амалга ошириш доирасида Молия вазирлигининг Давлат даромадлари қўмитаси Ҳукумат номидан чегара инфратузилмасини модернизация қилишни давом эттирмоқда.
Иш назорат-ўтказиш пунктларининг ўтказиш қобилиятини ошириш, чегарадан ўтиш вақтини қисқартириш, назорат тартибларини рақамлаштириш ва автоташувчиларга кўрсатиладиган хизматлар сифатини яхшилашга қаратилган.
Бундан ташқари, Транспорт вазирлиги ЕОИИ ички чегараларидаги автомобиль назорат-ўтказиш пунктларини модернизация қилишни давом эттирмоқда.
Бугунги кунда Қозоғистон давлат чегарасида 70 та назорат-ўтказиш пункти фаолият юритади. Улардан 51 таси автомобиль йўли, 5 таси темир йўл, 10 таси ҳаво йўли, 3 таси денгиз йўли ва 1 таси «Қоргас» ЧЯҲХМ ҳудудида жойлашган. 51 та автомобил йўли назорат-ўтказиш пунктидан 14 таси ЕОИИ ташқи чегарасида, яна 37 таси Россия ва Қирғизистон чегарасида жойлашган.
Эслатиб ўтамиз, Қозоғистонда 37 та ўтказиш пункти янгиланиб, чегарадан ўтиш вақти қисқаради.
