Қозоғистонда 2024 йил учун пенсияларнинг ўртача миқдори маълум бўлди
ASTANA. Kazinform - ҚР Меҳнат ва аҳолини ижтимоий ҳимоя қилиш вазирлиги ўртача пенсия миқдорини эълон қилди, дея хабар беради Kazinform .
– 2023 йилда республика бюджетидан 2,3 миллион кишига 3,3 триллион тенгедан ортиқ пенсия тўлаб берилди, шундан 1 триллион 16,6 миллиард тенге базавий пенсия, 2 триллион 297,4 миллиард тенге бирдамлик пенсиясини тўлашга йўналтирилди. 2023 йил 1 январдан бошлаб инфляция даражасини ҳисобга олган ҳолда ижтимоий тўловларни йиллик индексация қилиш доирасида бирдамлик пенсияларининг ўсиши 10,5 фоизни ташкил этди (инфляция даражасидан 2 фоиз олдин). Шунингдек, яшаш қийматининг ўзгариши муносабати билан базавий пенсия миқдори оширилди. 2024 йил 1 январь ҳолатига кўра, ўртача умумий пенсия миқдори 120 744 тенгени, шу жумладан бирдамлик пенсия – 82 868 тенгени, базавий пенсия – 37 876 тенгени ташкил этди”, дейилади вазирлик хабарида.
2024 йил ҳолатига кўра, пенсионерлар сони 2 миллион 344 минг кишини ташкил этади. 2024 йил 1 январдан бошлаб бирдамлик пенсиялар миқдори 9 фоизга оширилди. Давлат базавий пенсия тўлови миқдори яшаш минимумининг ошиши, шунингдек, энг кам миқдорнинг 60 фоиздан 65 фоизга, энг кўп миқдорининг 100 фоиздан 105 фоизга кўтарилиши ҳисобига оширилди. Шундай қилиб, 2024 йил 1 январдан бошлаб жами пенсиянинг энг кам миқдори 77 417 тенгедан (2023 йилда) 86 068 тенгега оширилди.
