Қозоғистонда 15 февралдан бошлаб Air Astana акциялари сотуви бошланади
ASTANA. Kazinform - Air Astana IPOда акциялар сотуви 14 февраль куни Лондонда ва 15 февралда Қозоғистонда бошланиши режалаштирилган. Бу ҳақда Air Astana авиакомпаниясининг молия бўйича ижрочи директори Иброҳим Жанлиел маълум қилди, дея хабар беради Кazinform мухбири.
- Бугун Лондон ва Қозоғистонда бир вақтнинг ўзида родшоу бошлаяпмиз. Рўйхат 8 февралгача давом этишини кутамиз. Шартсиз савдолар 14 февралдан Лондонда, 15 февралдан эса KASE ва AIXда бошланади, - деди у онлайн медиа-конференция давомида.
Маърузачининг сўзларига кўра, аризалар қабул қилиш аллақачон бошланган. Бу шуни англатадики, инвесторлар акцияларни сотиб олиш ва уларнинг сони бўйича буюртма беришни бошлашлари мумкин.
Бир акция учун нарх диапазони 2,13 доллардан 2,75 АҚШ долларигача, глобал депозит квитанцияси (ГДР) учун эса 8,50 доллардан 11,00 АҚШ долларигача белгилангани аввал хабар қилинган эди.
Таклифнинг ҳар бир акция учун 2,13 доллардан 2,75 АҚШ долларигача бўлган нарх диапазони Миллий банкнинг бугунги кундаги расмий курси бўйича ҳар бир акция учун 956 тенгедан 1237 тенгегача бўлган диапазонга эквивалентдир.
