Қозоғистонда 12 та янги футбол стадиони қурилади

ASTANА. Кazinform - Қозоғистонда 12 та янги футбол стадиони қурилади. Бу ҳақда ҚР Бош вазири Олжас Бектеновнинг Сенат депутатлари саволига берган жавобида айтилди.

— Вазирлик томонидан республика бўйича барча спорт иншоотлари инвентаризациядан ўтказилди. Хусусан, мамлакатимизда спорт (футбол, ​​волейбол, стритбол, ​​воркаут) учун 6100 та текис майдон мавжуд бўлиб, уларнинг 1200 дан ортиғи қишлоқ жойларда жойлашган. Қишлоқ болалари ва ўсмирларининг йил давомида футбол, ​​мини футбол ва спорт ўйинлари билан шуғулланиши учун 358 та спорт мажмуасидан фойдаланилмоқда. Республикада тегишли тоифадаги 1500 ўриндан 30 000 ўринга мўлжалланган 28 та йирик стадион мавжуд бўлса, Қизилўрда шаҳрида 10 000 ўринли трибунаси бор битта стадион қурилмоқда. Бундан ташқари, мамлакатимизда 12 та стадион қурилиши режалаштирилган. Шу тариқа, барча стадионларни УEФА халқаро талабларига мослаштириш ишлари босқичма-босқич амалга оширилади, - деди Ҳукумат раҳбари ўз жавобида.

Бундан ташқари, Бош вазир Қозоғистон футбол федерацияси, УEФА мутахассислари билан бирга Қозоғистон футболини 2034 йилгача ривожлантириш стратегиясини маъқуллаганини таъкидлади.

— Стратегия Қозоғистонда профессионал ва ҳаваскор футболни ҳар томонлама ривожлантириш, футболга тайёргарлик тизимини, футбол бизнес индустриясини яратиш, профессионал футболни халқаро майдонда спорт натижаларини ошириш йўналишида ўзгартириш хусусиятларини ўз ичига олади, — деди Олжас Бектенов.