Қозоғистонда 1,5 миллион омонатчи 10 фоизлик компенсация олиш учун ариза берди

ASTANA. Kazinform - 1,5 миллиондан ортиқ омонатчилар банкларга аризалар бериш орқали тенге депозитлари бўйича 10 фоиз миқдорида компенсация (мукофот) олишга розилигини тасдиқлади, бу дастур шартларига жавоб берадиган омонатчилар умумий сонининг 30 фоизини ташкил этди. Бу ҳақда Қозоғистон омонатларини кафолатлаш жамғармаси матбуот хизматига таяниб, Kazinform хабар берди.

Банклар омонатчиларнинг тенге депозитлари бўйича 10% компенсация олишга розилик бериш ҳақидаги аризаларини қабул қилишда давом этмоқда. Омонатчилар 2023 йил 1 январгача компенсацияни олишга розилигини тасдиқлаши керак. Бу онлайн тарзда амалга оширилиши мумкин, иккинчи даражали банкларнинг аксарияти аллақачон бундай имкониятни тақдим этган.

5 миллиондан ортиқ омонатчилар компенсация олишлари мумкин. Шулардан 97 фоиз омонатчилар омонатга 5 миллион тенгегача маблағ қўйган. Шу жумладан депозитларнинг асосий улуши 1 миллион тенгегача бўлган депозитлардир. Жорий йилнинг сентябр ойи ҳолатига кўра, компенсациянинг умумий миқдори қарийб 360 миллиард тенгени ташкил қилган.

Қўшимча маълумот олиш учун омонатчиларга банк филиалларига мурожаат қилиш тавсия этилади.

Қайд этилишича, омонатчи омонат очган банкидан 10 фоизлик компенсация ундириб олади.

Ҳукумат ва Миллий банк тенге депозитларини ҳимоя қилиш бўйича қўшма баёнот эълон қилди, унда жисмоний шахсларнинг омонатлари бўйича 10% миқдорида мукофотлар тўланиши назарда тутилган. Бу қарор геосиёсий хатарларнинг кучайиши фонида қабул қилинди.