Қозоғистон жанубида ҳаво совиб, ёмғир қорга айланади

ASTANA. Kazinform – Қозоғистон Республикасининг аксарият ҳудудларида юқори босимли ҳудудларнинг тез ўтиши муносабати билан беқарор об-ҳаво шароити кузатилиши, ёғингарчилик, ёмғир ва қор ёғиши, кучли шамол бўлиши, туман тушиши кутилмоқда, деб хабар беради “Қазгидромет” РДК.

“5 ноябрь куни ғарбда, 6 ноябрда шимолда, 6-7 ноябрда республиканинг шарқи, жануби ва жануби-шарқида кучли ёғингарчилик кутилмоқда. Фақат 5 ноябрь куни шимолий ва шимоли-ғарбий вилоятларда ёғингарчиликсиз об-ҳаво кузатилади”, – дейилади “Қазгидромет” хабарида.

Республиканинг шарқи, жануби ва жануби-шарқида ҳаво ҳарорати пасаяди: кечаси -3 даража совуқдан +5 даражагача, тоғли ҳудудларда -8 даража, кундузи 0-7 даража аёз, тоғли ҳудудларда -2 даражагача пасаяди.