Қозоғистон жанубида 20 даражагача иссиқ бўлиши кутилмоқда

ASTANА. Кazinform - “Қазгидромет” РДК 16-18 март кунлари кутилаётган об-ҳаво маълумотларини эълон қилди, деб хабар беради Kazinform.

Синоптикларнинг маълумотларига кўра, яқин уч кун ичида ғарбий, шимоли-ғарбий ҳудудларда, ҳафта охирида мамлакат шарқида, 17-18 март кунлари Қизилўрда вилоятида атмосфера фронтал қисмлари ўтиши билан беқарор об-ҳаво кузатилади: ёғингарчилик бўлади; 18 март куни Ғарбий Қозоғистон ва Атирау вилоятларида кучли ёғингарчилик, ёмғир ва қор кўринишида бўлиши, 16-17 март кунлари Манғистау вилоятида кучли ёмғир ёғиши кутилмоқда.

16-17 мартда Туркистон вилоятида, 17-18 мартда республиканинг шимолий, жануби-шарқий ва марказий вилоятларида, 18 мартда шарқий Қозоғистонда ёғингарчиликсиз ҳаво ўрнатилади. Республика бўйлаб кучли шамол эсиши, туман тушиши, яхвонлик ҳосил бўлиши, шимолда, шарқда ва марказда паст даражадаги қор бўрони бўлиши кутилмоқда.

Республиканинг жанубий ярмида ҳаво ҳароратининг босқичма-босқич 8-20 даражагача кўтарилиши, шимолий ярмида 0-8 даражагача илиқ бўлиши кутилмоқда.