Қозоғистон жаҳонда бензин энг арзон бўлган мамлакатлар қаторига киради
13 апрел ҳолатига кўра дунёда 1 литр АИ-95 маркали бензиннинг ўртача нархи 0,95 АҚШ доллари ёки 404,5 тангани ташкил қилади. Энг арзон бензин – Венесуэлада. Бу мамлакатда АИ-95 маркали бензиннинг бир литри 1 тангадан ҳам арзон.
Эрон (0,09 АҚШ доллари ёки 39,2 танга) ва Суданда (0,14 АҚШ доллари ёки 59,6 танга) бензин нархи энг паст бўлган мамлакатлар учталигига киради. ТОП-5 қаторида Ангола (0,28 АҚШ доллари ёки 121,4 танга) ва Малайзия (0,29 доллар ёки 123,7 танга) ҳам бор.
Қозоғистон айни дамда бензин энг нархи арзон мамлакатлар ичида 11-ўринда турибди. 13 апрелдан бошлаб мамлакатда 1 литр ушбу маркали бензиннинг ўртача нархи 0,41 АҚШ доллари ёки 174 тангани ташкил қилмоқда. Бу – МДҲ мамлакатлари орасида энг паст нархдир. Масалан, АИ-95 маркали бензиннинг бир литри ўрта ҳисобда Россияда 265,8 тангага, Туркманистонда 183,4 тангага, Озарбайжонда 201,4 тангага ва Қирғизистонда 230,2 тангага сотилади.
2020 йил март ойида Қозоғистонда АИ-92 маркали бензиннинг ўртача чакана нархи бир литри учун 155,02 танга бўлиб, йил давомида 4 фоизга ва олдинги ойга нисбатан 0,5 фоизга ўсди.
Ушбу маркали бензиннинг энг қиммат нархлари Нур-Султан (160 танга), Кўкшетау (158 танга) ва Ўскемен (158 танга)да қайд этилган. Қозоғистонда АИ-95 ва АИ-96 маркали бензиннинг ўртача чакана нархи йил давомида 2,7%га - 173,79 тангагача ва жорий йилнинг феврал ойига нисбатан 0,1%га ошган.
Ёзги дизел ёқилғиси 0,1 фоизга арзонлашиб, бир литри нархи 192,63 тангани ташкил қилди. Энг қиммат дизел Кўкшетау (198 тг), Қостанай (197) ва Атирау (196) шаҳарларида қайд этилган.
Муаллиф: Марлан Жиембай
