Қозоғистон ёшларининг 46 фоизи олий маълумотга эга

ASTANA. Kazinform – Иш билан банд бўлган ёшлар сони 1,8 фоизга ошди. Бу ҳақда ҚР Миллий статистика бюроси хабар берди.

2024 йил II чорак якунларига кўра, иш билан банд бўлган ёшлар сони 3,6 миллион кишини ташкил этиб, ўтган йилнинг мос даврига нисбатан 1,8 фоизга ўсди.

Ёшларнинг 46 фоизи олий ва олий ўқув юртидан кейинги, 48 фоизи эса техник касб-ҳунар маълумотига эга.

Иқтисодий фаолият турларига кўра, ёшларнинг аксарияти улгуржи ва чакана савдо, автомобиль таъмирлаш (643 минг киши), таълим (438 минг киши) ва саноат (416 минг киши) каби соҳаларда меҳнат қилмоқда.

Ёшлар ўртасидаги ишсизлик даражаси 3,2 фоизни ташкил этади (2023 йилнинг II чорагида 3,6 фоизни ташкил этган).

Иш билан банд бўлган ёшларнинг ёш таркибини ҳисобга оладиган бўлсак, 2023 йил якунларига кўра, асосий улуш (50,4%) 29-34 ёш гуруҳига тўғри келади.

Эслатиб ўтамиз, 2023 йилдан бошлаб Қозоғистонда ёшларнинг ёши 35 ёшга узайтирилган.