Қозоғистон ёшлар терма жамоаси жаҳон чемпионатининг элит дивизионига йўлланма олди

Қозоғистон ёшлар терма жамоаси бир тур аввал 20 ёшгача бўлган ёшлар ўртасидаги шайбали хоккей бўйича жаҳон чемпионатининг элит дивизионига йўлланмани қўлга киритди, деб хабар беради Каzinform.

Қозоғистон терма жамоаси Франция, Дания, Япония, Венгрия ва Австрия терма жамоалари билан бирга IA дивизионида элит дивизионга ягона йўлланма учун баҳс олиб борди.

Тўртинчи турда қозоғистонлик хоккейчилар Японияни 3:1 ҳисобида мағлуб этишди.

Австрия эса Францияни 7:4, Дания Венгрияни 3:1 ҳисобида мағлуб этди.

Ҳозирча қозоғистонлик хоккейчилар Венгрия (5:2), Дания (3:2) ва Франция (4:0) устидан ғалаба қозонишган.

Тўрт турдан кейин 12 очко жамғарган Қозоғистон ёшлари бир тур аввал элит дивизион йўлланмасини қўлга киритди.

Энди Қозоғистон хоккейчилари навбатдаги ўйинини 16 декабрь куни Австрияга қарши ўтказади.

Қозоғистонлик хоккейчилар жаҳон чемпионатининг биринчи дивизионида олти марта майдонга тушишди. Тўрттасида ғолиб бўлди ва элит дивизионга йўлланма олди.

Қозоғистон ёшлар терма жамоаси саккиз марта элит дивизионда иштирок этди. Энг юқори ютуқ - 1999 йилда олтинчи ўрин.