Қозоғистон ва Япония ўртасидаги савдо айланмаси жорий йилда 13,8 фоизга ошди

ASTANA. Kazinform – Роман Скляр Япониянинг Қозоғистондаги элчиси Жун Ямада билан учрашди, деб хабар беради Ҳукумат матбуот хизмати.

Суҳбат чоғида Қозоғистон Республикаси Бош вазирининг биринчи ўринбосари Роман Скляр икки давлат ўртасидаги муносабатлар юксак даражада эканини алоҳида таъкидлаб, Япония Қозоғистоннинг халқаро майдондаги муҳим ҳамкорларидан бири эканини таъкидлади.

Унинг сўзларига кўра, Қозоғистон Япония билан ўзаро манфаатли барча соҳаларда стратегик шерикликни янада кенгайтиришдан манфаатдор. Умуман олганда, мамлакатлар ўртасидаги ҳамкорлик узоқ йиллардан буён дўстлик ва ўзаро ҳамжиҳатлик асосида шаклланган.

Суҳбат чоғида Қозоғистон-Япония ҳамкорлигининг долзарб масалалари юзасидан атрофлича фикр алмашилди. Шу билан бирга, Роман Скляр савдо-иқтисодий ва сармоявий соҳалардаги алоқаларни янада ошириш зарурлигини таъкидлади.

Шунингдек, икки давлат ўртасидаги ўзаро товар айирбошлаш ҳажми 13,8 фоизга ошиб, 2,2 миллиард долларни ташкил этгани қайд этилди.

Учрашув якунлари бўйича Қозоғистон-Япония муносабатларини иқтисодий, ижтимоий ва бошқа соҳаларда мустаҳкамлаш бўйича фаол ишларни давом эттириш бўйича келишувга эришилди.