Қозоғистон ва Ўзбекистон ўртасидаги товар айирбошлаш ҳажми 930 миллион доллардан ошди

TASHKENT. Kazinform – Жорий йилнинг уч ойи якунлари бўйича Қозоғистон Ўзбекистоннинг етакчи савдо ҳамкорлари учлигида қолди, деб хабар беради Каzinform агентлигининг Тошкентдаги мухбири Алихан Асқар.

Январь-март ойларида мамлакатда ташқи савдо айланмаси 15,8 миллиард долларга етди ва ўтган йилга нисбатан 6,2 фоизга ошди.

Ўзбекистон Статистика агентлиги маълумотларига кўра, бугунги кунда Ўзбекистон дунёнинг 184 та давлати билан савдо алоқаларини олиб бормоқда.

Уч ойлик якунларига кўра, Хитой мамлакатнинг асосий савдо ҳамкорлари орасида етакчилик қилмоқда. Икки давлат ўртасидаги товар айирбошлаш ҳажми 3 миллиард доллардан ошди (умумий ҳажмнинг 19 фоизи).

Товар айирбошлашда 17,7% улуши билан Россия кейинги ўринда туради. Бу давлат ўртасидаги импорт ва экспорт ҳажми 2,8 миллиард долларни ташкил этди.

Шу билан бирга, Қозоғистон етакчи учликни якунлади. Қозоғистон билан Ўзбекистон ўртасидаги товар айирбошлаш ҳажми 937,7 миллион долларга етди (умумий ҳажмнинг 5,9 фоизи).

Шу даврда Ўзбекистондан Қозоғистонга 294,8 миллион долларлик маҳсулот экспорт қилинди, 642,9 миллион долларлик маҳсулот импорт қилинди.