Қозоғистон ва Ўзбекистон ўртасидаги товар айирбошлаш ҳажми 3 млрд доллардан ошди

Қозоғистон ва Ўзбекистон ўртасидаги товар айирбошлаш
Фото: Виктор Федюнин/ Kazinform

Жорий йилнинг тўққиз ойи якунларига кўра, Қозоғистон Ўзбекистоннинг учта асосий ташқи савдо ҳамкорларидан бири ҳисобланади, деб хабар беради Kazinform мухбири.

Статистика агентлиги маълумотларига кўра, бугунги кунда Ўзбекистон дунёнинг 193 та давлати билан савдо алоқаларига эга.

2023 йил январь-сентябрь ойларида Ўзбекистоннинг ташқи савдо айланмаси 44,7 млрд долларга етди ва ўтган йилнинг шу даврига нисбатан 22,1 фоизга ўсди. Умумий ҳажмдан экспорт 17 739,4 млн АҚШ долларни (+ 23,5 фоиз), импорт эса 27 014,8 млн долларни (+ 21,2 фоиз) ташкил этди.

Хитой мамлакатнинг асосий савдо шериги бўлиб қолмоқда. Мамлакатлар ўртасидаги товар айирбошлаш 9,45 млрд долларни (умумий кўрсаткичнинг 21,1%) ташкил этди.

Бу кўрсаткич бўйича Россия иккинчи ўринда – 7,03 млрд доллар (15,7 фоиз).

Кучли учликни Қозоғистон 3,22 млрд доллар (7,2 фоиз) билан якунлади.

Ўзаро товар айирбошлаш таркибида Ўзбекистондан Қозоғистонга 1067,0 млн долларлик маҳсулот экспорт қилинди, импорт эса 2162,8 млн долларни ташкил этди.

2022 йил якунига кўра Қозоғистон ва Ўзбекистон ўртасидаги ўзаро товар айирбошлаш ҳажми 5 мрд долларга етгани ҳақида аввал хабар берилган эди.

Муаллиф: Мадибек Жанибеков 

Сўнгги хабарлар