Қозоғистон ва Ўзбекистон ўртасидаги товар айирбошлаш ҳажми 3 миллиард доллардан ошди

TASHKENT. Kazinform – Жорий йилнинг 9 ойи якунларига кўра Қозоғистон Ўзбекистоннинг асосий савдо ҳамкорлари учлигидан жой олди, деб хабар беради Kazinform агентлигининг Тошкентдаги мухбири Алихан Асқар.

Январь-сентябрь ойлари давомида Қозоғистон ташқи савдо айланмаси 48,2 миллиард долларга етди ва ўтган йилга нисбатан 7,7 фоизга ошди.

Ўзбекистон Статистика агентлиги маълумотларига кўра, бугунги кунда Ўзбекистон дунёнинг 190 та давлати билан савдо алоқаларини олиб бормоқда.

9 ойлик якунларига кўра, Хитой мамлакатнинг асосий савдо ҳамкорлари орасида етакчилик қилмоқда. Икки давлат ўртасидаги товар айирбошлаш ҳажми 9 миллиард доллардан ошди (умумий ҳажмнинг 18,7 фоизи).

Ундан кейинги ўринда савдо айланмасининг 18% улуши билан Россия турибди. Бу давлат билан ўртадаги импорт ва экспорт ҳажми 8,6 миллиард долларни ташкил этди.

Қозоғистон етакчи учликка якун ясади. Қозоғистон билан Ўзбекистон ўртасидаги товар айирбошлаш ҳажми 3 миллиард доллардан ошди (умумий ҳажмнинг 6,2 фоизи).

Қопланган даврда Ўзбекистондан Қозоғистонга 997,7 миллион долларлик маҳсулот экспорт қилинди, 2 миллиард доллардан ортиқ маҳсулот импорт қилинди.