Қозоғистон ва Ўзбекистон ўртасидаги савдо айланмаси 2,7 миллиард доллардан ошди
ТASHKENT. Кazinform — Январь-июнь ойлари натижаларига кўра, Қозоғистон Ўзбекистоннинг асосий савдо шериклари учлигида қолди, деб хабар беради Кazinformнинг Тошкентдаги мухбири.
Ўзбекистон Миллий статистика қўмитаси маълумотларига кўра, мамлакатнинг ташқи савдо айланмаси олти ой ичида 41 миллиард долларни ташкил этди, бу 2025 йилнинг шу даврига нисбатан 7,4 фоизга кўп. Январь-июнь ойларида қўшни мамлакат дунёнинг 195 мамлакати билан савдо қилган.
Хитой Ўзбекистоннинг асосий савдо ҳамкори ҳисобланади. Икки мамлакат ўртасидаги савдо айланмаси 9,4 миллиард доллардан ошди (умумий ҳажмнинг 23,1%).
Россия савдонинг 17,1 фоизини ташкил қилади. Бу мамлакат билан экспорт ва импорт ҳажми 7 миллиард доллардан ошади.
Қозоғистон эса етакчи учликни якунлайди. Расмий маълумотларга кўра, Астана ва Тошкент ўртасидаги савдо айланмаси 2,7 миллиард доллардан ошди (6,8%). Бу 2025 йилнинг шу даврига нисбатан 572 миллион долларга кўп. Кўриб чиқилаётган даврда Ўзбекистон 717 миллион долларлик товарларни экспорт қилди ва 2 миллиард доллардан ортиқ қийматдаги маҳсулотларни импорт қилди.
Эслатиб ўтамиз, жорий йилнинг январь-май ойларида Қозоғистон ва Ўзбекистон ўртасидаги савдо айланмаси 2,2 миллиард доллардан ошгани ҳақида хабар берган эдик.
