Қозоғистон ва Ўзбекистон корхоналари терини қайта ишлаш соҳасида ҳамкорликни йўлга қўймоқчи
ASTANA. Kazinform – Қозоғистон-Ўзбекистон ишбилармонлар кенгаши йиғилиши якунлари бўйича бир қанча ишбилармонлик шартномалари имзоланди.
Имзоланган ҳужжатлардан иккитаси терини қайта ишлаш ва пойабзал етказиб беришни қамраб олади:
1. Ўзбекистон чарм-пойабзал корхоналари уюшмаси ва Қозоғистон чарм ва жунни қайта ишлаш уюшмаси ўртасидаги келишув;
2. “Ситони” масъулияти чекланган жамияти ва “Ломанг” масъулияти чекланган жамияти ўртасида пойабзал маҳсулотларини етказиб бериш бўйича шартнома.
“Икки давлат ўртасидаги қўшма корхоналар сонининг ўсиш суръатлари, ўзаро ҳамкорлик салоҳиятини инобатга олиб, Қозоғистон-Ўзбекистон ишбилармон доирасини яратиш вақти келди, деб ҳисоблайман. Бу ҳамжамият бизнес ва давлат ўртасидаги самарали ҳамкорлик платформасига айланиши мумкин. Яъни, иккаласи ўртасидаги ҳамкорлик янада аниқроқ бизнесни қўллаб-қувватлашга қаратилган. Бугунги кунга қадар Ўзбекистонда рўйхатдан ўтган ва ишлаётган 20 дан ортиқ бизнес вакиллари менга шундай комиссия тузиш ва ҳар куни юзага келаётган долзарб масалалар бўйича давлат органлари билан ушбу уюшма орқали ҳамкорлик қилиш илтимоси билан мурожаат қилишди”, — деди Қозоғистоннинг Ўзбекистондаги элчиси Бейбит Атамқулов.
