Қозоғистон ва Ўзбекистон халқаро юк ташувларини тартибга солишнинг онлайн тизимини жорий қилди

ТASHKENT. Kazinform - Қозоғистон ва Ўзбекистон халқаро юк ташувлари соҳасида рухсатнома алмашишнинг электрон тизимини жорий қилди, дея хабар беради Кazinform агентлигининг Ўзбекистондаги мухбири Алихан Асқар.

Ўзбекистон Транспорт вазирлигининг маълум қилишича, мамлакатлар ўртасида юк ташувлари жараёнини оптималлаштириш мақсадида рухсатнома бланкаларини алмашишнинг «E-Permit» электрон тизими ишга туширилди.

«E-Permit» тизимидан фойдаланган ҳолда илк бор квоталар алмашинуви жараёни амалга оширилиб, “Яллама” божхона пункти орқали юк автомобиллари ўтказилди. Мазкур тизим “Рақамли транспорт” маркази мутахассислари томонидан тест режимида муваффақиятли ишга туширилди”, — дейилади Ўзбекистон Республикаси Транспорт вазирлиги ахборотида.

Шунингдек, вазирлик икки давлат ўртасида юк ташувлари учун қулай шарт-шароитлар яратиш мақсадида келгусида замонавий рақамли технологияларни кенг жорий этишга алоҳида эътибор қаратилишини таъкидлади.