Қозоғистон ва Ўзбекистон фуқаро авиацияси бўйича Евроосиё конференциясини ташкил қилади

TASHKENT. Kazinform – “Ўзавиация” агентлиги ва “Қозоғистон авиация маъмурияти” АЖ раҳбарларининг йиғилиши бўлиб ўтди, унда идоралар ўртасидаги ҳамкорликни мустаҳкамлашнинг долзарб масалалари муҳокама қилинди, деб хабар берди Kazinform агентлигининг Тошкентдаги мухбири Алихан Асқар.

Йиғилишда Арманистон, Грузия, Қозоғистон, Қирғизистон, Мўғулистон, Молдова, Тожикистон ва Ўзбекистон иштирокида “Фуқаро авиациясининг Евроосиё конференцияси”ни ташкил этиш масаласи ишлаб чиқилди.

Фото: Ўзбекистон Транспорт вазирлиги матбуот хизмати

“Фуқаро авиациясининг Евроосиё конференцияси” авиация соҳасида ҳар бир давлат идоралари ўртасидаги ҳамкорлик концепциясини белгиловчи платформа ҳисобланади. Биргаликда қарор қабул қилинади ва умумий муаммоларни бартараф этиш режаси тузилади.

Фото: Ўзбекистон Транспорт вазирлиги матбуот хизмати

Қозоғистон ва Ўзбекистон авиация департаментлари учрашуви якунларига кўра, томонлар биргаликда “Фуқаро авиациясининг Евроосиё конференцияси”ни ташкил этиш бўйича ҳужжатни имзоладилар.

Фото: Ўзбекистон Транспорт вазирлиги матбуот хизмати