Қозоғистон ва Туркия ўртасидаги товар айирбошлаш ҳажми 1,5 миллиард долларга етди

NUR-SULTAN. Кazinform - Агар барча хорижий давлатлар билан умумий савдо ҳажми ҳақида гапирадиган бўлсак, Туркия 6,5​​фоиз, жумладан импорт – 4,2 фоиз, экспорт – 7,2 фоиз улуш билан учинчи ўринни эгаллади, дея хабар беради Kazinform ҚР Молия вазирлиги Давлат даромадлари қўмитасига таяниб.

Экспорт

Жорий йилнинг биринчи чорагида Туркияга 1251,9 миллион долларлик маҳсулот экспорт қилинди, 236,3 миллион долларлик маҳсулот импорт қилинди.Ташқи савдо айланмасининг ижобий сальдоси 1 миллиард доллар даражасида шаклланди. Туркия томонининг асосий талаби «ёқилғи-энергетика товарлари» бўлиб, унинг қиймати 885 миллион долларни ташкил этди, бу жорий йилнинг уч ойи давомида барча экспортнинг 70,7 фоизини ташкил этди.

Иккинчи оʻринда «металллар ва улардан тайёрланган буюмлар» қиймати 324 миллион доллар ёки экспорт таркибида 25,9 фоизни ташкил этади. Шунингдек, жорий йилда Туркияга чорвачилик ва ўсимлик маҳсулотлари, тўқимачилик, машинасозлик, кимё саноати маҳсулотлари ва бошқалар экспорт қилинди.

Импорт

Қозоғистон Туркиядан 62 миллион долларлик машина, асбоб ва аппаратлар импорт қилди, бу импорт таркибида 26,2 фоизни ташкил этди. Иккинчи ўринда 47,5 миллион долларлик тўқимачилик ва газлама маҳсулотлари жойлашган бўлиб, жорий йилнинг дастлабки уч ойида барча импортнинг 20 фоизини ташкил этди.

Бундан ташқари, кимё саноати маҳсулотлари, чорвачилик ва ўсимлик маҳсулотлари, металл ва буюмлар: пойабзал, бош кийим ва ва матолар, қурилиш материаллари ва бошқалар импорт қилинди.

Ўтган йилнинг мос давридаги товар айирбошлаш ҳажми 803,1 миллион долларни ташкил этди. Ўшанда экспорт 545,2 миллион доллар, импорт 257,8 миллион долларни ташкил этган.