Қозоғистон ва БАА ноқонуний йўл билан олинган активларни қайтариш учун сунъий интеллектдан фойдаланади
ASTANA. Kazinform – Қозоғистон Республикаси Бош прокурори Берик Асилов амалий ташриф билан Бирлашган Араб Амирликларида бўлиб, у ерда БАА Адлия вазири Абдулла бин Султон бин Авад Ал-Нуайми ва ушбу мамлакат Бош прокурори Ҳамад Сейф Ал-Шамсий билан учрашувлар ўтказди. Бу ҳақда Қозоғистон Республикаси Бош прокуратураси хабар берди.
Ҳамкасблар идоралараро ҳамкорликни кенгайтириш ва халқаро хавфсизликни таъминлаш масалаларини муҳокама қилдилар.
Қозоғистон бош назорат органи раҳбари ўз нутқида Қозоғистон Республикаси ва БАА ўхшаш чақириқ ва таҳдидларга дуч келаётганини, шу боис жиноятчиликка қарши курашиш муаммоларини биргаликда ҳал қилиш, илғор тажрибаларни доимий равишда алмашиш ва замонавий таҳдидларга қарши курашиш айниқса муҳимлигини таъкидлади.
Ташриф якунлари бўйича Қозоғистон Республикаси Бош прокуратураси ва БАА Адлия вазирлиги ўртасида ҳамкорлик дастури имзоланди.
Томонлар унинг амалга оширилиши жиноятчиликка қарши курашда халқаро ҳамкорликни янада мустаҳкамлашига ишонч билдирди.
