Қозоғистон ва Австрия ўртасида тўғридан-тўғри авиақатнов қачон йўлга қўйилади

ASTANA. Kazinform – Қозоғистон ва Австрия ўртасида тўғридан-тўғри авиақатнов 2025 йил баҳорида йўлга қўйилади, дея хабар беради Kazinform ҚР Транспорт вазирлиги матбуот хизматига таяниб.

Қозоғистон-Австрия ишбилармонлар кенгашининг 9-йиғилиши доирасида Қозоғистон Республикаси транспорт вазири ўринбосари Талғат Ластаев бошчилигидаги Қозоғистон делегацияси, СКАТ авиакомпанияси вице-президенти Владимир Ситник ва Қозоғистон Республикасининг Австриядаги элчихонаси вакиллари Австриянинг туризм бўйича Давлат котиби Сюзанна Краус-Винклер ва Вена аэропорти бош директори Юлиан Йегер билан учрашувлари бўлиб ўтди.

Учрашувларда Қозоғистон ва Австрия ўртасида СКАТ авиакомпанияси томонидан 2025 йил баҳорида ҳафтасига 2 марталик частота билан режалаштирилган тўғридан-тўғри авиақатновни очиш, шунингдек, туризмни ривожлантириш учун визани қўллаб-қувватлаш масалалари муҳокама этилди.