Қозоғистон Ўзбекистондан юк вагонларини сотиб олди

TASHKENT. Kazinform – Қозоғистон “Ўзбекистон темир йўллари” акциядорлик жамияти таркибига кирувчи Қуюв-механика заводидан 20 та юк вагонлари харид қилди. Ўзбекистон томони уларни 23 октябрь куни Қозоғистонга жўнатган, деб хабар беради Каzinform агентлигининг Тошкентдаги мухбири Алихан Асқар.

Компания таъкидлаганидек, барча вагонлар халқаро стандартлар, Божхона иттифоқининг техник регламентлари асосида ишлаб чиқарилган. Улар кенглиги 1520 мм бўлган рельсларда юкларни ташиш учун мўлжалланган.

Фото: “Ўзбекистон темир йўллари” АЖ

“Завод 1200 та янги вагон ишлаб чиқариш ва яна 1500 тасини таъмирлаш қувватига эга. Корхона маҳсулотлари нафақат мамлакатимиз, балки хорижий мамлакатларда ҳам харидоргир. Жорий йилнинг 9 ойида умумий экспорт ҳажми 2,4 миллион долларни ташкил этди. Асосий харидор давлатлар: Қозоғистон, Литва, Шотландия ва Бирлашган Араб Амирликлари”, – деди “Ўзбекистон темир йўллари” акциядорлик жамияти матбуот хизмати.

Эслатиб ўтамиз, Қозоғистон Республикаси транспорт вазири Марат Карабаев яқин 5 йил ичида 1200 та янги вагон харид қилинишини маълум қилган эди.

Шу билан бирга, Қозоғистонда юк вагонларини ишлаб чиқариш 6 баробар ошди.