Қозоғистон ўтган йили Ўзбекистоннинг етакчи савдо ҳамкорлари учлигига кирди

TASHKENT. Kazinform - Ўтган йил якунларига кўра, Ўзбекистоннинг Қозоғистон билан ташқи савдо айланмаси 4 миллиард доллардан ошди, деб хабар беради Kazinform мухбири Алихан Асқар.

Статистика агентлиги маълумотларига кўра, бугунги кунда Ўзбекистон дунёнинг 198 та давлати билан савдо алоқаларини олиб боради.

Ўтган йил январь-декабрь ойларида Ўзбекистоннинг ташқи савдо айланмаси 62,6 миллиард долларни ташкил қилган. Бу ўтган йилнинг шу даврига нисбатан 23,9 фоизга кўпдир. Умумий ҳажмдан экспорт 24 426,2 миллион долларни (+23,8%), импорт эса 38 141,2 миллион долларни (+24%) ташкил этди.

2023 йил якунларига кўра, мамлакатнинг асосий савдо ҳамкорлари орасида Хитой етакчилик қилган. Икки давлат ўртасидаги товар айирбошлаш ҳажми 13,7 миллиард долларни (умумий ҳажмнинг 21,9 фоизини) ташкил этади.

Иккинчи ўринни Россия эгаллади. Ўзбекистоннинг ушбу мамлакат билан савдо айланмаси 9,88 миллиард долларга етди (умумий ҳажмнинг 15,8 фоизи).

Шу билан бирга, энг кўп товар айланмасига эга давлатлар учлигига Қозоғистон якун ясади. Яъни, Қозоғистон билан Ўзбекистон ўртасидаги товар айирбошлаш ҳажми 4,39 миллиард долларни (умумий ҳажмнинг 7 фоизини) ташкил этди.

Эслатиб ўтамиз, ўтган йили Ўзбекистон Қозоғистонга 121,2 миллион долларлик мева-сабзавот экспорт қилган.