Қозоғистон ўтган йили қанча гўшт импорт қилди

ASTANA. Kazinform – Ўтган йили Қозоғистонга дунёнинг 8 та давлатидан 160 минг тоннага яқин гўшт импорт қилинди. Бу Kazinform томонидан юборилган саволга Қишлоқ хўжалиги вазирлигининг расмий жавобида айтилган.

“2024 йилда мамлакатимизга жами 160 минг тоннага яқин қорамол, қўй, от, товуқ ва чўчқа гўшти импорт қилинди”, - дейилади хабарда.

Вазирлик маълумотларига кўра, 12,3 минг тонна мол гўшти (2023 йилда — 12,2 минг тонна) импорт қилинган. Асосий импорт қилувчи давлатлар: Беларусь – 9,1 минг тонна (2023 йилда – 7,5 минг тонна), Россия Федерацияси – 1,3 минг тонна (2023 йилда – 1,5 минг тонна), Украина – 748,6тонна (2023 йилда – 1,8 минг тонна);

31 тонна қўй гўшти (2023 йилда – 32,8 тонна) импорт қилинган, шу жумладан, Россия – 27,7 тонна (2023йилда – 32,8 тонна), Қирғизистон – 3,4 тонна (2023 йилда – экспорт қилинмаган);

2,6 минг тонна от гўшти (2023 йил – 2,9 минг тонна) импорт қилинган. Бунда асосий экспортчи мамлакатлар: Мўғулистон – 920 т (2023 – 1 минг тонна), Уругвай – 812 тонна (2023 – 507 тонна), Аргентина – 798,1 тонна (2023 – 1 тонна);

135,7 минг тонна товуқ гўшти имопрт қилинган бўлиб, бунда асосий экспортчи мамлакатлар: Россия - 65,5 минг тонна (2023 йилда - 53 минг тонна), АҚШ - 48,1 минг тонна (2023 йилда - 80,5минг тонна), Украина - 10,5 минг тонна (2023 йилда - 10,7 минг тонна), Беларусь – 5,6 минг тонна (2023 йилда – 5,5 минг тонна);

7,6 минг тонна чўчқа гўшти импорт қилинган, шу жумладан асосий мамлакатлар: Россия - 6,1 минг тонна (2023 йилда - 6,5 минг тонна), Беларусь - 1,5 минг тонна (2023 йилда - 230,3 тонна).

Эслатиб ўтамиз, аввалроқ Қозоғистон ўтган йили қанча гўшт экспорт қилгани ҳақида ёзган эдик.