Қозоғистон ҳудудига ноқонуний равишда кириб келган Ўзбекистон фуқаролари ҳибсга олинди

TURKISTAN. Kazinform - Туркистон вилоятида Қозоғистон ҳудудига ноқонуний равишда кириб келган икки нафар чет эл фуқароси қўлга олинди, деб хабар беради Kazinform Polisia.kz-га асосланиб.

Сариағаш туманининг Жибек Жоли қишлоғи яқинида навбатдаги тадбир пайтида тартиб соқчилари Қозоғистон ҳудудига ноқонуний кириб келган Ўзбекистон Республикасининг икки фуқаросини ҳибсга олдилар.

Полиция ушбу фактни судгача тергов бўйича ягона реестрда Қозоғистон Республикаси Жиноят кодексининг 392-моддаси «Қозоғистон Республикаси Давлат чегарасини қасддан ноқонуний кесиб ўтиш» боби бўйича рўйхатдан ўтказди.

Ўтказилган тезкор-профилактика тадбирлари натижасида чет элликлар Алмати шаҳрида ишга жойлашишни режалаштиргани аниқланди. Воқеанинг барча ҳолатларига ойдинлик киритиш учун ҳуқуқбузарлар Сариағаш тумани полиция бўлимига олиб кетилган.

Ҳозирда ушбу факт бўйича судгача тергов ҳаракатлари олиб борилмоқда.