Қозоғистон тинчликпарвар кучлари Сурияга биринчилардан бўлиб етиб боради
ASTANА. Кazinform - Бирлашган Миллатлар Ташкилотининг тақсимлашни назорат қилиш миссияси (СООННР - UNDOF) қўмондонлиги Қозоғистон Республикаси Қуролли кучларининг миллий тинчликпарвар контингентининг Голан тепаликларига етказилиши ва жойлаштирилишини юқори баҳолади.
Қозоғистон тинчликпарвар контингенти шахсий таркибни ўз техникаси, қурол-яроғи ва моддий-техника ресурслари билан тезкорлик билан ўтказгани учун СООННР раҳбарияти ва турли мамлакатлар ҳарбий хизматчилари томонидан юқори баҳоланди.
СООННР қўмондонлиги таъкидлаганидек, вақтинчалик ва доимий жойга шошилинч етказиб бериш энг қисқа вақт ичида амалга оширилди.
СООННР миссияси бошлиғи, Гана қуролли кучлари полковниги Уильям Нортининг сўзларига кўра, Сурия ҳудудига тўлиқ қўшин юбориш тўғрисида қарор қабул қилингандан бери Қозоғистон контингентининг барча жиҳозлари билан кўчирилиши БМТнинг тинчликпарвар операциялари тарихидаги энг тез ва энг яхшт ташкил этилгпн иш бўлган.
Илгари, қўшимча хавфсизлик мақсадларида, СООННР ҳудудида жойлашган хорижий контингентлар ўз кучларини Ливан ҳудуди орқали олиб ўтадилар, бу эса уларни Сурияга ташиш вазифасини қийинлаштирди ва самарадорликка сезиларли таъсир кўрсатди. Айни вақтда минтақада ўн йиллик тажрибага эга Ирландия тинчликпарвар кучлари ҳам худди шу йўналиш бўйича ўз мамлакатларига қайтади.
Полковник У. Норти СООННР миссиясининг вақтинчалик қўмондони бўлиб хизмат қилмоқда. 1993 йилдан буён Қуролли Кучлар сафида хизмат қилмоқда.
“Қозоғистон Республикаси Қуролли Кучлари шахсий таркиб ва техникани тўғридан-тўғри Сурияга профессионал, хавфсиз ва тезкор ташишни амалга оширди, бу эса Голан тепаликларига олиб ўтишнинг молиявий ва вақт харажатларини сезиларли даражада қисқартирди. Бу Қозоғистон тинчликпарварлик компанияси ходимларининг юқори малакаси, билими ва интизомидан далолат беради. Биз Қозоғистон Мудофаа вазирлиги қўмондонлиги ва Ташқи ишлар вазирлиги тузилмавий бўлинмаларига хизматни ташкил этишдаги тезкорлик ва самарадорлик учун миннатдормиз”, — дея таъкидлади СООННР қўмондонлиги.
Айни пайтда Суриянинг маҳаллий аҳолиси Қозоғистон тинчликпарвар кучларини илиқ кутиб олди. Маҳаллий аҳоли Қозоғистон ҳарбий кучлари Яқин Шарқнинг айрим давлатларида тартибни сақлаш муҳим вазифани бажариш учун келганини тушунади.
