Қозоғистон терма жамоаси кураш бўйича жаҳон чемпионатида яна иккита медални қўлга киритди
ASTANА. Кazinform — Иордания пойтахти Амман шаҳрида кураш турлари бўйича 17 ёшгача бўлганлар ўртасидаги жаҳон чемпионатида Қозоғистон терма жамоаси иккита бронза медалини қўлга киритди.
Бу гал аёллар курашидан Анна Стратан ва Улдана Тилеухан совриндор бўлди.
57 килограммгача бўлган вазн тоифасида Анна Стратан греициялик Мэри Манини 5:1 ҳисобида мағлуб этди.
Улдана Тилеухан (65 кг) бронза медали учун кечган баҳсда нейтрал спортчи, ўтган йилги Европа чемпиони Анастасия Комановани 17:2 ҳисобида мағлуб этди.
Бунгача юнон-рум кураши бўйича Алпамис Болатули (51 кг) ва Еркебулан Анапия (80 кг) кумуш медални қўлга киритган эди.
Эслатиб ўтамиз, аввалроқ қозоғистонлик икки полвон юнон-рум кураши бўйича жаҳон чемпионатида кумуш медални қўлга киритгани ҳақида ёзган эдик.
