Қозоғистон темирйўлчилари Туркий давлатлар спартакиадасида ғолибликни қўлга киритди

ТASHKENT. Кazinform – Ўзбекистон пойтахтида Туркий давлатлар ташкилоти (ТДТ) саммитида иштирок этаётган давлатлар темир йўл маъмуриятлари ходимлари ўртасида I Халқаро спартакиада бўлиб ўтди. Бу ҳақда Kazinform «Қазақстан темір жолы» АЖга таяниб хабар беради.

Қозоғистон, Ўзбекистон, Озарбайжон ва Қирғизистон темирйўлчилар жамоалари спортнинг стол тенниси, шахмат-шашка, армрестлинг, гир спорти, арқон тортиш каби турлари бўйича чиқиш қилди.

Бундай мусобақалар биринчи марта темирйўлчилар ўртасида ўтказилмоқда. Натижада умумжамоа ҳисобида ҚТЖ жамоаси ғалаба қозонди. Саватчада - 6 та олтин, 3 та кумуш ва 1 та бронза. Қозоғистон темирйўлчиларининг армрестлинг, гир спорти, шахмат ва арқон тортиш бўйича тенг келадиган рақиб топилмади.

Ташкилотчилар спартакиада давомида мамлакатлар ўртасидаги дўстона муносабатларнинг мустаҳкам пойдевори яратилганини таъкидлаб, иштирокчиларга фаолликлари учун миннатдорчилик билдирдилар.

ҚТЖ ходимлари спорт маҳорати билан бир қаторда катта ижодий истеъдодларни ҳам намоён этдилар. Магистрал йўл мутахассислари мамлакатнинг юксак маданий меросини кўрсатадиган байрам дастурини ташкил этишди.